ñ Nommer op my “bucket list”.

(fotos:Google Images,Paintings)20081014062129

Meer as dertien jaar is al verby, en steeds kry ek Bali nie op ñ skildery huis toe gebring nie. In elk geval nie ‘my’ Bali nie.

Ek loop soms ure lank en kyk hoe kunstenaars die eiland probeer ‘vasverf’. Bekende skilders, onbekende beginners. Maar ek bly soek.

657e0218130f844b305a23222f4920bb

Het ek fiemies? O ja, defnitief.

ñ Paar praat al my liefdestaal, een of twee gaan hierdie slag saam huis toe kom.

balinese-procession

Tog bly ‘die een’ my ontduik.

Nou wonder ek. Is ek effens bang om perfeksie op te spoor. Of lê die uitdaging in die soek. Kan die eiland se mistiek dalk nie geraam word nie?

balinese-landscape

Sal ek dan maar liewer met iets abstraks op die vliegtuig klim, en met genoegdoening terugsak in my sitplek…

Steeds nie opgespoor nie, defnitief volgende keer!

 

 

En ons was ook nie skaam nie, hoor!

wp-1488187056126.jpg

Man ja. Vrydagaand was weer sulke tyd. En moenie vergeet dat ek eers Donderdag ontslaan is nie…

Dit is die heerlikheid daarvan as jou winkel deel is van ñ “Dining Theatre”. Met opvoerings elke naweek.

Ja, dit is reg. Ons klompie daar agter. “Background singers”. En was ons nou “cool”. Wel, ons mans het so gedink. En ons kinders.

Dit was een lang heerlikheid. Die profesionele groep bestaan uit agt kunstenaars van Pretoria en Johannesburg. En dan ook die eienares van ons kompleks hier in Harties, Elshantè Bouman.

Elshantè se cd en digbundel is hierdie naweek vrygestel, so nog iemand in ons dorpie oppad na roem.

Maar terug by Vrydagaand. Die saal was gevul met my en Bertus se vriende, ñ spesiale “Seventies” musiekaand wat vir ons klompie gereël is. En die beste van alles…ons kon die musieklys voor die tyd saamstel.

img_9018

Kort voor lank is hartsvriendinne en ons dogters ook op die verhoog, en het ons nou gejol! Al die weggepakte drome van op ñ verhoog sing, is losgelaat.

9a0d5c179bbd84956166f62a5bb7f862

Die hartseer van die lewe bietjie eenkant gelaat, die hare losgeskud en die verbeeldings vrye teuels gegee.

En dit was heerlik.

img-20170223-wa0000

 

 

 

 

 

 

So wat is volgende…

(foto:Google Images)hqdefault

Kieter doen dit dikwels. Kry haarself in ñ situasie, en wonder dan wat die volgende plan van aksie gaan wees. Of gaan daar ñ plan wees, enigsens.

My spesialis met die strikdassie reken daar is een. Sy baie slim oplossing vir ‘die probleem’ is glo eenvoudig. Volgens hom maklik. Hou op ‘stress’.

Sy gevleuelde woorde: sommige mense se stres gaan direk na die maag. Ander s’n glo na die algemene area van die nek.

Sommige, dit is sy bynaampie vir my. Dink ek.

So hierdie ‘sommige’ mens moet alle spanning begin vermy. Veral dié tipe wat emosioneel is.

Ok, so terug na Kieter. Sy kry haarself in ñ situasie…tot iemand haar optel en sê sy is oulik. En dan kry sy ekstra melk.

Sien, dit is my punt.

Hoe kies jy ñ deur?

(fotos:Google Images)550ea1bce51abfbd71523c938b961939

Ek vlieg oor ñ paar dae oorsee met die opdrag om deure te gaan aankoop. Bali deure. ñ Kliënt wat ñ ontwikkelaar is, het die idee om unieke deure te begin verkoop.

Maar hoe besluit jy oor ñ ander se droom.

Jy doen redelik huiswerk voor die tyd, sit ñ rukkie saam met hom en laat hom toe om jou in sy verbeeldings wêreld in te lei. Stap saam met hom deur sy woorde, luister na sy asemhaling en hou sy oë dop. Klink dalk vreemd, maar hoe anders. Hoe anders neem jy ñ ander se droom in jou hande en gaan soek dit dan uit.

jepara

Dit is opwindend ja. ñ Uitdaging gewis. En tog. Tog kom daar ook ñ titseltjie deernis by. Hierdie semi-vreemdeling wat jou met ñ stukkie van sy visie vertrou, hoop jy ‘hoor’ sy prentjie raak. Hoop jy ‘voel’ sy droom.

bali-027

Jy gaan wandel tussen kilometers se straatjies rond, op soek na die ‘iets’ wat met jou praat. Oor die kliënt. En as jy dit opspoor, staan jy lank net en kyk.

Met ñ ander se oë.

Jou eie neig dalk na die ou deur in die muur. Die een wat ñ leeftyd se verhale het om te vertel. ñ Leeftyd se leef in sy ‘afdop liggaam’ wys.

3159a048ff333683a373bc6537ecb3a7

Jy gaan bêre hierdie een in die blaaie van jou onthou album. Om terug by die huis uit te haal en deur te dink. Net om te besef dat jy nie ñ ander se geleefde wêreld kan oorneem nie. Jy kan kyk en sien, en onthou.

Maar die leef deur die deur is nie joune nie.

 

 

 

Reën,reën,lieflike reën…

wildtuin-18-feb-2017-induskie-330

Onophoudelik het dit geval. Manlief was skoon moedeloos, want op dag twee is AL die grondpaaie gesluit. En dit, vir ñ boerseun, is ondenkbaar.

wildtuin-18-feb-2017-induskie-375

Watwou vassit.

Ek het die veld nog nooit so mooi sien lyk nie. Ons het op dag een reeds vier van die groot vyf raakgesien. Net die luiperd het ons bly ontduik. Maar dit daar gelaat.

wildtuin-18-feb-2017-induskie-291

Ons kon die klein dingetjies waardeer. Want hulle was ooral oor. Skillies het uitgelate die pad gevat. Elke miskruier denkbaar het ñ ietsietjie rondgestoot, en ek het by arend veertig ophou tel.

wildtuin-18-feb-2017-induskie-392

Saterdag oggend vroeg het ons ñ oop grondpad ontdek wat hulle van vergeet het, en dit is toe dat ons een groot ‘uitvoering’ kon dophou. Die lugruim het regtig oorgeloop met voëls, jy kon jou kop nie vinnig genoeg ronddraai nie. Ek het soms asem opgehou van verwondering.

wildtuin-18-feb-2017-induskie-357

Nee kyk, as ons Vader die dag die sluise oor die wildtuin laat oopgaan, staan jy as mens in verwondering. Die natuur juig en jubel, en selfs die leeumannetjie raak ‘mellow’. Neem die wyfie se stert sagkens in sy bek, stap ewe gedweë saam tot agter ñ struik, en gee na ñ paar sekondes die oorwinnings brul…

wildtuin-17-feb-2-031

Jip. Die natuur weet van feesvier.

wildtuin-18-feb-2017-induskie-272

 

 

 

 

 

 

Plaas toe! Jippee!

(fotos:Google Images)2dpx10000f41000

Need I say more.

Ek en manlief loop oormôre vir ñ paar dae weg Kruger Wildtuin toe. Ons tel soos twee kinders die ure af. Salig!

Al was ons al ñ paar honderd keer daar, dit maak g’n niks saak nie. Soos daardie siekte wanneer iemand binne ñ minuut presies alles vergeet wat hy al beleef het, dit is ons. Elke nuwe “sighting” bly ons eerste.

Meerkat-South-Africa-Nature-1431527.jpg

Met al die gelees by ons foto-blok vrinne, is ek so ge-inspireer om op ñ nuwe, vars manier fotos te neem. Hoe sal ek sê, “watch out for this space…”.☺

cropped_southern_masked_weaver_jeff_harrisberg

Salig. Dit is mý woord vir die wildtuin. Tyd om weer stilte te bring na my binne-mens. Om my gees te laat voed deur Vader se tuin, Sy skepping.

Waar ek dieper en stadiger begin asemhaal. Duideliker sien. Skerper hoor.

d9dafae99ed6e52d9927bc68e76960a9

Ons gaan plaas toe.

 

 

 

 

 

En wat daarvan?

(fotos:Google Images)

Exif_JPEG_PICTURE

Wonder nou hoeveel eiers hier gelê gaan word. Hoeveel ‘ai Una’ gedagtes gaan rondvlieg.

Manlief, ek dink nogal jy gaan net ‘smile’. Ons kinders, laat ek raai. Jongste skool-meneer seun gaan sy oë geweldig groot rek, en dadelik protesteer. Nee Majutz, asseblief. Moet dit net nooit aanvang nie. Neil in R’baai, gaan niks opmerk nie. En indien jy hom vra, wat as Majutz topless op ñ strand rondloop? ‘Sy kan maar as sy wil’. Oulike kind. Goed grootgemaak.

saucy-seaside-couple-painted-on-beach-hut-b3jnn8

Nou die drie dogters. Bertus, ek dink nie een gaan naby ons wil wees nie. Nie een sal oordeel nie, maar só ñ vakansie sal ons tweetjies maar alleen moet deurbring. Aangesien jongste sus altyd reken dat, sover dit haar aanbetref, ek en jy net vyf keer in ons lewens seks gehad het. En dit nie eens met mekaar nie.

Ek het ñ rede vir vandag se skrywe. Vrouens in my wêreld sukkel met hul seksualiteit. Want daar is net droë duine op hul horison. Bo sestig, en van die dierbare manne speel die ‘beste vriende’ kaart. Kan nie of wil nie. Of kies die pornografie roete.

ñ Vrou bo vyf en vyftig KAN nog witwarm wees! En wil! So regtig, gaan maak ñ draai by ñ dokter, ons liewe vriend. Kry ñ voorskrif. Praat daaroor! Moenie die rekenaar vinnig afdruk as sy naby kom nie. Erken. Herken. En kry lewe.

Miskien moet ek ñ toesluit kassie in my winkel staanmaak. Met ñ paar idees in. Want regtig, die lewe is moeilik genoeg. Moenie jouself en vroulief nog verder ook straf nie.

Onthou.

Ons harte klop nog sterk onder die twee goedjies wat dalk so ñ bietjie Suid neig.