Noena! Noena!!

IMG_8025

So drie weke gelede gaan laai ek vir Boeta weer by die tehuis af. Hy kan nie wag om sy “girlfriend” te sien nie.

Met dié dat sy een long verlede winter ‘seergekry’ het, het ons hom vroegtydig vir ñ week gaan haal om hom op medikasie te sit. Maar vir hom raak dit ná drie dae klaar te lank, hy verlang.

Sy tas vol wintersklere, nuwe karretjies, inkleurboek en kryte, die Beeld en nuutste Huisgenoot, vat ek hom na sewe dae terug.

Met die uitloop uit die tehuis, hoor ek iemand hard na my roep, iewers in die gange. Omdat Boeta my Noena noem, is dit in hul wêreldjie my naam.

Effens haastig, wag ek nou maar dat die roeper my inhaal. Lang man, baie netjies aangetrek.

“Ons moet gesels”, reken hy. Vir ñ oomblik frons ek. Het iets gebeur…? Het Boet moeilikheid veroorsaak…? Hy en sy meisie… Maar Bertus vra elke keer baie deeglik uit as ons hom sien, daar word glo net handjies vasgehou… Ag tog, sê nou net!

Ja, ek weet. Ek raak maar so neuroties.

Ek wag.

“Hoeveel kouse bestel jy?”

Ietwat uit die veld geslaan, maak ek net ñ geluidjie.

“Jy weet, ek dink so agt pare. Ek het klaar begin brei. Defnitief agt pare. Kom ons praat geld. Jy moet my nou betaal, onthou, wol is baie duur. R100 rand ñ paar. Ja. Gee R800. Maar ek het nie kleingeld nie hoor. Honderd rand note is reg.”

“Agt pare?” Bertus het my mooi geleer. As jy iets nie mooi verstaan nie, herhaal soos ñ pappegaai. Sodat die ander persoon ‘hoor’ wat hy sê.

“Ja. Laas jaar het jy net een paar gekoop. So nou kort hy agt. Dit is koud. Die winter is lank. Ek wil brei. Jy het geld.”

Redelike eenvoudige som. Né.☺

So Boeta kry weer kouse. Agt pare. Of hy wil hê of nie. Of ek dit kan bekostig of nie.

Want iemand wil brei.

images

Advertisements

Skrywer: travel460

Ek was reeds 32 keer op die Bali eiland, meestal om vir ons invoer maatskappy aankope te doen. Daar is so baie wat ek met mense kan deel; mense wat beplan om oor te gaan, of net ouens wat droom oor n eiland vakansie. Ek is nou in my middeljare, en vlieg reeds van 2004 af Indonesië toe. Ons het 3 dogters, 2 seuns en 6 kleinkinders.

17 thoughts on “Noena! Noena!!”

      1. Thank-you Una! It’s all my wife Gail’s doing – she prays for them! We’re thankful that they all seem to like each other and get along well – lots of laughs at family gatherings. But Gail is always vigilant to make sure the communication and respect is flowing.

        Liked by 1 person

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s