ñ Geheime liefde.

(fotos:Google Images)quotes-on-bangkok-6-900x323

Ek weet dit is dalkies nie reg nie, maar hierdie een kan ek nie verhelp nie. Ek praat deesdae min oor hom, het hom drie jaar laas gesien. Ons is sedert 2003 by mekaar betrokke, intens. Twee, drie, tot vier keer per jaar kon ek vir ñ week na hom toe vlieg, en net daar bly. Net ek en hy. My hart pyn as ek oor hom dink, en soms huil ek op Bertus se skouer van verdriet. My man verstaan. Hy sê wel ek moet maar liewer wegbly, want wat gaan dit help. Ou gevoelens gaan net weer oopgekrap word.

chao-phraya-river-tour-bangkok-khlong

Ek sukkel. As mens ñ stukkie van jou hart verloor het, is dit seer. Almal verstaan dit nie. Mense oordeel.

Ek was feilbaar. En wanneer ek alleen is, en terugverlang, roep ek uit.

Bangkok! Ek sal jou weer sien. Wag vir my.

bangkok_skyline_by_porbital-d6g0xt0

Hierdie Suid-Oos Asië stad het oor die agt miljoen inwoners. Sommige noem hom die Venesië van die Ooste, met sy Chao Praya rivier en die honderde kronkelende kanale tussen die woonbuurte deur.

0_4200_0_2812_one_Rachathewi___Phaya_Thai9

Water taxi’s vervoer mense onophoudelik in elke denkbare rigting. Jy moet regstaan by jou halte, en seker wees jy weet in watter rigting lê jou eindbestemming. Of nie. Soms sou ek net op een spring, letterlik spring, want hulle stop nie dood nie. Seile word opgehys elke keer as ñ ander taxi verby gejaag kom, anders is jy sopnat. Honderde kilometers se water strate. Dis ñ goedkoop manier om die werklike Bangkok te leer ken, met markte om elke hoek en draai.

Bangkok (1)

Daar is diegene wat Bangkok met ñ passie haat. Daaroor is ek bly. Moenie weer probeer nie, ons is genoeg vir wie hy bekoor. Die verkeer is oordonderend, die oormaat winkeltjies en mengelmoes van ware, skokkend.

Daarom sê ek, bly liewer weg.☺

Los hom vir ons wat hom love.

Chatuchak-Market-02

Hy stimuleer jou, hy daag jou uit. Hy teister jou met sy kossoorte, met sy energie, maar ook met sy vreemde “laidback” geit.

or-tor-kor-market-bangkok

Jy word in die oggend wakker met ñ nuwe ‘lus in jou lyf’. Soveel om te verken, soveel om te beleef. Maar ook soveel om net in stilte gade te slaan. Want al is dit ñ besige stad, kan jy jou op ñ muurtjie tuismaak en net kyk. En voel. Niks is vir jou bekend nie, maar tog herken jy ñ menswees in sy polsslag. Draai 360 grade in die rondte, en sien ‘anders’ raak.

bangkok 0

Sit op ñ trap en eet ñ kondensmelk pannekoek. Waardeer hoe elkeen net sy eie ding doen. Homself uitleef in sy andersheid. Sien raak hoe ons verskil. En tog dieselfde is.

getting-around-bangkok-1-X3

Klim op ñ Tuk-tuk en klou vas. Dank jou stêrre as jy anderkant aankom, en stop dan nog een. Lag vir jouself as jy nie weet hoe om oor ñ straat te kom nie, en sê kapunka as iemand jou oor-begelei.

thailand-bangkok-chatuchak-market-shop-display-of-ethnic-dresses-FEYAHA

Drentel in die strate rond, en geniet elke juweeltjie wat jy opspoor. Al koop jy nie. Kyk net.

Chatuchak-Weekend-Market-Jatujak-Market-Bangkok-5

As jy ñ nuuskierige een is, waag dit verder rond. Gaan besoek die paleis, die tempels, die tuine.

pbk-Landing-Leaderboard-1280

Gaan kyk weer die fliek The King and I wat in 1946 vir die eerste keer opgevoer is. O ja, fliek in Bangkok is ñ moet. Jy kry ñ bed-stoel, en omdat dit koud is met die lugverkoeling, ñ silwerskoon knie-kombersie. Jy het ñ pikante tafeltjie, met ñ spyskaart. Restourantkos word bedien.

Wees net gewaarsku. Iewers voor die hoofprent begin, word hul volkslied kliphard gespeel, en dan spring jy op aandag. Net versigtig. Mens kan in jou verbouereerdgeid jou drinkdingetjie omdons. En dan histeries aan die giggel gaan in plaas van ewe respekvol stil te bly… It can happen…

Banyan-Tree-Bangkok-Aspara-boat-restaurant

Ag tog, die laaste aand. ñ Afskeidsete op die restourant-boot. Hier verklaar ek gewoonlik weer my ewige liefde aan die stad. Soos my moeks gesê het, as hy jou hart steel, weet dan maar net.

Jy het ñ geheime liefde.

bk-mc-main-900x312

 

 

Op ñ eiland iewers.

(fotos:Google Images)ko-samet-beach-3

Ons het nie geweet wat om te verwag nie. Hier in 2004, terwyl ons besig was met onderhandelinge in Bangkok, besluit ek en Bertus om na die naaste eiland aan die stad toe weg te loop. Ons oudste meisiekind is saam, en so klim ons drietjies op ñ bussie na die hawe.

Geen vooraf bespreking gemaak nie. Net swembroeke en sarongs in rugsakke gepak, die res van ons bagasie in die hotel gelos, en daar gaan ons.

koh-samet-beach-arms-raised

Thailand is vir ons een van die maklikste lande om oor die weg in te kom. Vra net, en jy word reggehelp. Na so drie ure op die bussie, en twee ure op die boot, land ons op Koh Samet.

Die strand kon nie witter wees nie, die water blousel blou. Met elkeen se rugsak oor die skouer, het ons begin rondsoek vir slaapplek.

home

Verblyf was spotgoedkoop, so ook die seekos vir ontbyt, middag en aandete. Geen voertuie in sig vir die volle drie dae wat ons daar was nie. Net koskarretjies.

gallery_location_thumbR_27_1476065653

Soms, as ñ mens die kans kry om binne in een van jou drome in te stap, is dit oorweldigend. Dit was vir ons. So ñ anderse lewe, dié van ñ eiland. So baie tyd om te dink, en tog. Jy skakel net af.

Koh-Samet

Hierdie was twee maande voor die Tsunami Suid-Oos Asië getref het. Ek het dikwels myself in die mense se skoene probeer plaas. Jy is redelik weerloos so in die vreemde op ñ eiland. Nêrens om weg te kruip nie. Niemand wat jou kan kom oplaai nie.

Hier in my land tref ons voorsorg teen gevaar. Diefwering, alarm sisteme. Ons motors het opsporings-apparate in. So ook ons fone. Ons beplan. Ons sit planne in plek. Dink ons.

Maar op ñ eilandjie in die middel van die see?

Op wie se knoppie druk jy dan? Jy gryp jou kind en vlug waarheen? Selfs al besit jy die beste wapens, wie skiet jy? Jou kontant gaan net ronddryf, jou juwele tot op die bodem sink.

Jou slim brein-uitgewerkte redenasies oor is daar nou eintlik ñ God, of in wie of wat jy moet glo, dit sal in die atmosfeer verdwyn.

As die Tsunamie jou die dag tref.

Wie roep jy aan?

koh-samet-island

 

 

 

 

 

 

 

 

 

 

 

ñ Ander soort gawe.

(pictures:Google Images)24f95683831b607390ab339608b35b13--african-paintings-black-women-art

Ek het landsgenote wat iets ontvang het wat my fassineer. En ñ bewondering en trots in my ontketen. Van hulle is my kliënte, sommige my vriendinne.

3d0d2efb3579e2642f546babbefdbfe8

Sit ons langs mekaar op die kerkbank, verkyk ek my aan die verskil tussen hoe sy lyk, en my eie vaal, ekstra warm en praktiese klere.

Ek het dit net nie.

08c762322c8e9f9c80e1e89d860f2d71 

Ek sou soveel vroeër moes opstaan om myself gereed te kry vir die oggenddiens. Dis Sondag…ek wou net ñ bietjie langer bly lê.

Soms verlustig ek my in die modes wat ek op televisie sien. Self sal jy my nooit in dié uitrustings vang nie, maar aan haar…Hoe kry sy dit reg! Met ñ sekere flair kom sy aangestap, en ek voel skoon jaloers.

ea1b391e469c4e6eee4277bd52a9ff89

Ek kan haar dit nie nadoen nie. Daar is ñ selfvertroue in hierdie vroue wat sommige van my ander landsgenote en ek, net nie kan bykom nie.

Selfs al is ek hoè lief vir kleur, my klerekas bly onopwindend. Eendag, dalk volgende winter, maar eendag gaan ek dit waag. Gaan ek vir my ñ uitrusting aanskaf wat mense na hulle asems sal laat snak. Diegene gaan aan mekaar stamp en sê… Kyk nou net so vir Una en haar vriendinne! Dit is mos sy, né???

236501174

Of dalk nie.☺

 

 

 

 

As ñ seuntjie by ouma-hulle intrek, EN DAAR IS ñ KAT!

Die groot-trek naweek het gebeur. Kleinste twee engeltjies en hul mamma en pappa bly nou vir so sewe maande by ons, tot hul huis klaar gebou is.

Xander en Gaby het ñ hond. Maar nie ñ kat nie.

Ons Kieter hou nie van ge-hê word nie. Volgens haar is ek en Bertus inwoners; net daar om haar haar kos te bedien, en as sý die dag lus is, haar te vryf. Pretty much enige iets meer, is too much.

20170730_144342

So ontdek Xannie-Pannie haar Saterdagoggend. Voorheen, as die klein mensies opdaag vir kuiers, neem Kieter time-out. Doen sy die Airbnb oefening.

Eers sit hy lank en staar na hoe sy eet. Kyk kort-kort op na my, asof om te sê: sien jy dit, ouma? Is dit nie ongelooflik nie, ouma. Hierdie ding eet dan.

Op haar beurt ignoreer Kieter hom net. Want sy weet haar volwasse inwoner staan by as hulp nodig is.

20170730_144607

Wat ñ ontdekking vir so ñ klein lyfie. Hy haal skaars asem as sy haar stert rondswaai, mens sou dink dit is ñ sirkus toertjie. En as sy lê en spin, draai hy sy koppie om beter te hoor.

Kieter, sien ek, verduur hom. Ook maar net-net. Haar wêreld staan ewe skielik op sy kop. Die een wit, aaklige hond genaamd Emma, het nou twee geword. Sy klim op haar kroegstoel, en staar die petalje buite uitdrukkingloos aan. Sy het seker op die tv gehoor dat ñ Labrador slim is, wat defnitief nie vir haar goeie nuus is nie. Hoe nou gemaak as die natuur roep, is vir haar en vir my ietwat van ñ probleem. Al los ek AL die vensters vir haar oop, sy gluur my net aan. Want sy sien dan nou dubbeld.

Oudste nefie het oor die naweek kom inloer, om bietjie vir jongste seuntjie-dinge touwys te maak.

20170730_144127

Ja-nee, ouma en oupa is voorwaar in vir ñ interessante tyd.

 

 

Ma, hoe nou…?

(fotos:Google Images)Amalfi Coast In Liguria, Italy Desktop Background

Ek kry Maandagaand ñ baie moedelose whatsapp van ons oudste meisiekind af. Dis oueraand by die skool, en as ñ juffrou is sy op haar pos.

‘Mamma, my hart en my kop kom nie terug nie. Hoe nou gemaak? Gaan ek ooit weer net normaal wees!’

thumb-350-394680

Die reisgogga het hierdie kind van ons nou behoorlik hard gebyt. Sy was eerste van die vyf kinders wat in 2005 saam met my en Bertus oorsee begin gaan het. Nou, twaalf jaar later, kry sy elke keer swaarder om weer aan te pas.

424772

Ek wonder bietjie hieroor. Dit is nie almal wat so voel oor die onbekende nie. Nie elke ou wat ñ onblusbare energie daaruit put om ñ nuwe land te verken nie. As ek ons familie geskiedenis kon naspeur tot in Jan van Riebeeck se dae, waarop sou ek afkom? Dalk bietjie sigeuner bloed in die are?

Yo3sihE

Ek verstaan elke gevoel wat sy met my deel. Ek ‘proe’ saam met haar. Sy en haar skoolvriendin kom nounet terug van Nederland, Griekeland en Frankryk af. Die blootstelling is in my oë fenominaal. Ander leefstyle, ander politiek, die ‘leer’ om reg te kom met ñ ander taal, ander gebruike. Sy groei so baie in haar menswees. Haar wêreldjie is nie meer net die hier en nou nie. Allerdaagse probleme het nie die geneigdheid om haar onder te kry nie.

Daar is heeltyd ñ nuwe droom.

“Needless to say,” toe sussie dus vra of ek en manlief haar volgende jaar Spanje en Portugal toe sal vergesel, was die koeël deur die kerk. Natuurlik moet ñ ma en pa mos beskikbaar wees vir hul kinders se nood.☺

cinque-terre-on-italian-riviera-coastline-48739-1920x1200

Baie van ons is dalk harts-reisigers. Finansies en omstandighede laat dit net nie vir jou toe nie. Tog, die vreemde bekoring van die wêreld daar buite oorbrug soms die grootste hindernisse. Soos ñ vriendin al tereg gesê het, die oomblik toe sy haar eerste rand in die spaarblikkie gooi, het die ‘boeie’ afgeval.

Die eerste stap sluit jou drome oop.

Ek is regtig dankbaar dat ousus haar vlerke so sprei. Ook dat haar manlief haar dit gun. Doodgelukkig om in sy eie land te bly en sy stokperdjie te be-oefen, dié is ons skoonseun. En die twee wipsnoette kuier heerlik tussen hul oumas rond.

Sodat mamma diep kan asemhaal.

En haar eie-mens kan ontdek en geniet.

20170707_190852-1

 

 

 

 

Die hunkering van ñ siel.

unnamed

Ek lees nou-nou by Toortsie, en ñ verlatenheid kom lê oor my wese.

Here, dit wat sy sê, dit waaroor sy skryf.

Ek mis U so.

Ek soek U onder die water, en ek vind U.

Ek gesels in die donkerte van die na-nag, en U praat terug.

Maar ek mis U.

Ek verlang na ñ plek om te kan sit. Waar dit U voetstappe is wat die blare laat ritsel. Waar dit U asem is in die wind. Die kort tydjies is nie meer genoeg nie.

ñ Dag met U, Here. ñ Dag.

Ons hoef nie net te praat nie. Eintlik glad nie.

Net U wat daar is. En ek wat dit weet.

Dis genoeg.

field-858650_1280-940x300

 

 

Die hippie-beweging.

(fotos:Google Images)f7766d01eb093b250a3bfd3962729635--hippie-car-hippie-chick

My nuuskierigheid is effens geprikkel. Ek het eers gou ñ definisie gaan soek, om beter te kan verstaan hoe en hoekom.

A hippie is a member of a counterculture, originally a youth movement that started in the United States and the United Kingdom during the mid-1960s and spread to other countries around the world.

Hierdie other countries, neem ek aan, het nie Suid-Afrika ingesluit nie? Dit was gedurende my vroeë laerskool jare, en my jong juffrouens was almal baie prim en propper.

 

Die beweging het op kampusse begin. Middelklas waardes is gekritiseer, hulle het die Viënam oorlog verdoem, en die gebruik van kern wapens teengestaan.

Ek was met ander woorde om en by sewe. Op daardie stadium het ons Vrydag aande in die laerskool saal na ‘Nonne’ flieks gekyk. Waar die non altyd op iemand verlief geraak het, en haar dan dood getreur het.

Die res van die wêreld het anders gelyk??? Anders gevoel??? Ander dinge gedoen…???

AN-AMERICAN-HIPPIE-IN-ISRAEL-5

Terwyl ek leer fietsry het, met die Sappi papierfabriek se geure wat oral in ons dorpie rondhang, en my ma-hulle tennis gespeel het, het mense LSD en marijuana gebruik. Kan jy nou meer.

grandpa-woodstock-and-queen-esther

Ek is ietwat dankbaar dat ouma en oupa nie so gelyk het, en my dan by die skool kom oplaai het nie…

image

Seks was glad nie ñ woord in my jong dae nie. Ons het ook niemand geken wat ñ vegetariër was nie, of nie deel van die NG-kerk was nie. Eco-friendly? Glo nie die woord was in ons HAT nie.

Kaapstad het vandag ñ groot hippie gemeenskap. Hulle verkoop hul ware op die Green Market Square. En iewers is daar ook ñ Rustlers Valley.

Ek wil nou soos Bertus sê toe hy ñ klein seuntjie was…hy is alweer by die huis gelos toe sy ma-hulle loop trou het, want hy is dan nêrens op fotos nie.

Ek het die hippie-tyd gemis.

Tog, as jy mooi kyk, my naam ís iewers vasgeskryf. Iewers op een van die kombi’s met die baie bont kleure. En klere.

Iewers agter-in, daar behoort ek ook te sit-lê.

 

Met sulke lang los hare…

2c57f58f2ca117510a2237cf65885bee--boho-clothing-made-in-heaven

(En ouma Johanna wat in haar graf omdraai. Ai my kind, sou sy sê, hierdie is alles van die kommuniste af. Kom ons gaan loop kuier vir dominee…)

Soms is dit seker beter om ‘alweer by die huis te gebly het.’☺